LU PRIMU MAGGIU di Renzino Barbera

01/05/2010 – Con la bellezza di Carmen Lasorella e con i versi dell’impareggiabile e indimenticabile Renzino Barbera salutiamo questo Primo Maggio senza ‘ideologie’. E’ una foto di qualche anno addietro che porta in sé rimpianto e nostalgia: che male c’è?

Un pizzuddicchiu ‘i carta

l’ultimu d’aprili

cadìu d’un calendariu

comu un gelsominu

senza cchiù profumu.

Lu ventu l’afferrò

e lu spincìu ‘nta l’aria

biancu com’era,

comu ‘na palumma.

E tantu parsi vera

dda palemmedda ‘n celu

ca a ‘na campana ci vinni di sunari

arruspigghiannu l’autri cunpagni.

E cchiù s’annaculiavanu

centu e cchiù campani,

chiossai lu vinticeddu l’ammuttava;

parìa ci dava l’ali

a ddu pizzuddu ‘i carta,

biancu comu sali.

L’omini sintennu lu sunari lassaru ‘i travagghiari

e vittiru l’aceddu chi vulava

arraccamannu l’aria

‘nta ddu trionfu ‘i suli

e cuntentu ballari, felici di campari.

Chi festa è?

dissi un picciriddu.

Lu patri taliò lu calendariu

pinsò e poi gridò:

E’ maggio, figghiu miu

è primu maggio

è festa di…..

E mentri ci pinzava si taliò li manu

cussì comu l’avia, sformati di fatica…

‘nchiuvati nta la via Crucis senza ‘na scinnuta.

Ddi manu ci parsiru cchiù beddi di lu cori,

cchiù beddi e cchiù importanti,

cchiù casa di l’amuri

e li grapiu, comu si grapi un ciuri.

E l’occhi s’addumaru comu stiddi,

lu pettu si vunciò comu ‘na vila

di barca patruna di lu mari.

E dissi:”Figghiu, figghiuzzu miu,

talia, varda sti manu,

rozzi pi comu sunnu

sunnu li megghiu manu

ed oggi è la so’ festa.

Oggi è lu primu maggiu.

Curriu lu picciriddu

cuntentu comu Pasqua,

battennu, jsati all’aria

ddi so’ manuzzi russi

comu du’ banneri,

gridannu all’omini cu felicità:

“E’ festa, è festa di lu manu

lu dissi me papà”.

E allura centu e centomila manu

curreru e s’abbrazzaru

lassaru ‘na jurnata

lu scuru da minera,

li libbri e li quaderni,

lu focu di li furni

li macini d’alivi

marteddi a la pirrera

e si strinecri ‘ntornu

li manu di pueti, sudati, carritteri

e li manuzzi russi

comu ddu’ banneri.

Cu tuttu lu rispettu

ch’avemu pi la scienza,

non è dintra lu pettu

ca tutti avevu ‘u cori:

lu cori, quann’è umanu

lu cori è ‘nta li manu.

___________

(TRADUZIONE)

IL PRIMO MAGGIO

Un pizzino di carta

l’ultimo di aprile

volò dal calendario

come un gelsomino

senza più profumo.

Il vento l’afferrò

e lo spinse per l’aria

bianco com’era

come una colomba.

E tanto sembrò vera

quella colomba in cielo

che ad una campana venne di suonare,

svegliando le altre compagne.

E più si dondolavano

cento e più campane

più quel venticello le cullava;

sembrava desse le ali

a quel pezzo di carta,

bianco come sale.

Gli uomini, sentendo quel suonare,

lasciarono il lavoro

e videro l’uccello che volava,

ricamando l’aria

in un trionfo di sole

e contento ballare,

felici di campare.

Che festa è?

disse un bambino…

Il padre guardò il calendario,

poi pensò e gridò:

“E’ maggio, figlio mio.

è primo maggio,

è festa di…”

E mentre ci pensava

si guardò le mani

così come le aveva,

sformate di fatica…

inchiodate sulla Via Crucis

senza una discesa.

Quelle mani gli parvero

più belle del suo cuore,

più belle e più importanti,

più casa dell’amore

e le aprì, come si apre un fiore.

E gli occhi s’accesero come stelle,

il petto si gonfiò come una vela di barca,

padrona del mare.

E disse: “Figlio, figlio mio,

guarda, guarda queste mani…

Rozze come sono

sono le migliori mani

ed oggi è la loro festa:

Oggi è il primo maggio…

Corse il bambino

contento come Pasqua,

battendo, alzate in aria,

le sue manine rosse

come due bandiere,

gridando agli uomini con felicità:

“E’ festa, è festa delle mani,

lo ha detto mio papà”!

E allora cento e centomila mani

corsero e si abbracciarono;

lasciarono la giornata,

il buio della miniera,

i libri ed i quaderni,

i fuochi dei forni,

le macine d’ulivo,

martelli alla pietraia…

E si strinsero attorno

le mani dei poeti,

soldati, carrettieri,

e quelle manine rosse

come due bandiere.

Con tutto il rispetto

che abbiamo per la scienza

non è qui dentro il petto

che tutti abbiamo un cuore:

il cuore, quando è umano,

il cuore è tra le mani!

__________
‘Lu primu maggiu’ di Renzino Barbera.
Traduzione di Mimmo Mòllica